ଦେଶରେ ୫ଟି ରାଜ୍ୟରେ ହୋଇଥିଵା ଵିଧାନସଭା ନିର୍ଵାଚନ ଫଳାଫଳ ପରେ ଚାରିଟି ରାଜ୍ୟରେ ସ୍ଥିିତି ସ୍ପଷ୍ଟ ହୋଇସାରିଥିଵା ଵେଳେ ଗୋଟିଏ ରାଜ୍ୟର ଫଳାଫଳ ଅସ୍ପଷ୍ଟ ରହିଵାର ଦେଖିଵାକୁ ମିଳିଛି ।
ମଧ୍ୟପ୍ରଦେଶରେ କଂଗ୍ରେସ ଓ ବିଜେପି ଉଭୟ କଡ଼ା ମୁକାବିଲାର ସମ୍ମୁଖୀନ ହୋଇଥିଵାରୁ ସ୍ଥିତି ଏ ପର୍ଯ୍ୟନ୍ତ ସ୍ପଷ୍ଟ ହୋଇପାରିନାହିଁ । ପ୍ରତିିଦ୍ୱନ୍ଦ୍ୱିତା ଅତି ଶାଣିତ ହୋଇଥିଵାରୁ କେତେକ ପ୍ରାର୍ଥୀଙ୍କ ଭାଗ୍ୟ ଲଟକି ରହିଛି । ଏଠାରେ ଅନେକ ସ୍ଥାନରେ ପୁନଃଗଣତି ପାଇଁ ପ୍ରାର୍ଥୀ ଏଜେଣ୍ଟମାନେ ଦାବି କରିଵାରୁ ଫଳାଫଳ ଘୋଷଣା ହୋଇପାରୁନାହିଁ ।
ନିର୍ଵାଚନ ଆୟୋଗଙ୍କ ସୂଚନା ଅନୁଯାୟୀ, ଏଥର ଗଣତି ପ୍ରକ୍ରିୟା କଡ଼ା ନିୟମ ଓ ଶୃଙ୍ଖଳା ମଧ୍ୟରେ ସମ୍ପନ୍ନ ହେଉଛି । ତେଣୁ ଏଥିପାଇଁ ଅଧିକ ସମୟ ଦରକାର ହେଉଛି । ଏଥିସହିତ ପୋଷ୍ଟାଲ ବାଲଟ ମତ ଗଣତି ଓ ପ୍ରତି ନିର୍ଵାଚନ ମଣ୍ଡଳୀର ଗୋଟିଏ ପୋଲିଂ ଷ୍ଟେସନର ଇଵିଏମ ଓ ଵିପାଟ ସ୍ଲିପକୁ ମେଳ କରିଵା ଯୋଗୁଁ ଅଧିକ ସମୟ ଲାଗୁଛି । ଅନେକ ବୁଥରେ ଵିଜୟ ଵ୍ୟଵଧାନ ଗୋଟିଏ କିମ୍ବା ଦୁଇଟି ଵୋଟରେ ହେଉଥିବାରୁ ପରାଜିତ ପ୍ରାର୍ଥୀମାନେ ପୁନଃଗଣତି ପାଇଁ ଆଵେଦନ କରୁଛନ୍ତି ।
ଏହି କାରଣରୁ ମତ ଗଣତି ଵିଳମ୍ବିତ ହେଉଛି । ଶୀଘ୍ର ଫଳାଫଳ ଘୋଷଣା ଅପେକ୍ଷା ଵିଳମ୍ବରେ ହେଉ ପଛେ, ନିର୍ଭୁଲ ଫଳାଫଳ ଘୋଷଣା ହେଵାପାଇଁ ନିର୍ଵାଚନ ଆୟୋଗ ଏଥର ଗୁରୁତ୍ୱ ଦେଇଛନ୍ତି ।